Treatment of breast problems by honey پستان کے مسائل کا حل بذریعہ شہد

خواتین کے پستان کے مسائل کا حل بذریعہ شہد
ہمارے معاشرے میں گھریلو خواتین کا مسئلہ بہت نازک ہوتا ہے۔ وہ نہ تو مشرقی حجاب کی پیش نظر اپنا مسئلہ کسی سے پیان کرتی ہیں اور نہ خود کچھ کر سکتی ہیں ،اکثر دیکھنے میں آیا ہے کہ بیماری ان کو اندر ہی اندر گھن کی طرح کھا جاتی ہے یا پھر وہ مسلسل ذہنی دباؤ اور ٹینشن کا شکار رہتی ہیں اور اکثر احساس کمتری میں بھی مبتلا ہو جاتی ہیں جس کی بدولت ان کے چہرے کا رنگ و رپ اور چمک ماند پڑ جاتی ہے یا مکمل ختم ہو جاتی ہے۔اس روایتی شرم و حیا کی وجہ سے بعض اوقات ان کی ازدواجی زندگی بھی بہت متاثرہوتی ہے۔بہرحال ذیل میں ہم چند معروف بیماریوں کا ذکر کر ہے ہیں ۔ پستانوں میں دودھ کی کمی اور چھوٹے پستان جن میں شہد کا استعمال بہت سود مند ہوتا ہے۔

نمبر ۱۔ پستانوں میں دودھ کی کمی کا علاج بذریعہ شہد۔
اگر زچہ کا دودھ نہ اتر رہا ہو یا دودھ کی کمی ہو جس کی وجہ سے بچہ کا پیٹ نہ بھرتا ہوتو شہد دو تولہ دودھ میں ملا کر زچہ کو پلانے سے دودھ کی مقدا ر بڑھ جاتی ہے، نیز پستانوں پر یہ لیپ باندھنے سے بھی دودھ میں زیاتی ہوجاتی ہے۔ لیپ کا نسخہ درج ذیل ہے۔
برگ ارنڈ کوٹ کر شہد میں ملا کر پستانوں پر چند دن باقاعدگی سے باندھیں ۔ انشاء اللہ چند روز میں دودھ کی مقدار بڑھ جائے گی۔کمی دودھ کی بہت سے مریضاؤں پر یہ لیپ استعمال کیا بہت فائدہ ہوا ۔ اس سے ایک حد تک پستان بھی بڑھ جاتے ہیں۔

نمبر ۲۔ چھوٹے پستانوں کا علاج بذریعہ شہد۔
چھوٹے پستانوں کے لئے روغن ارنڈ کو شہد میں ملا کر نیم گرم کر لیں اس کے بعد ہلکے ہاتھ سے مالش کریں اور اس کے بعد پستان کے اوپر برگ ارنڈ باندھ دیں ۔ کچھ دن تک اس عمل کو جاری رکھیں اس لیپ سے پستانوں کا سائز حسب منشاء بڑھایا جا سکتا ہے۔

نمبر ۳۔ دودھ کی زیادتی کا علاج۔
ہم یہاں دودھ کی زیادتی کے متعلق جو کچھ بیان کرنے جا رہے ہیں اس نسخے میں شہد بالکل بھی شامل نہیں مگر اپنی جگہ یہ نسخہ ہی بہت اہم اور مفید ثابت ہوگا۔
نسخہ نمبر۱۔ زیرہ سیاہ اور سرکہ ہم وزن لے کر سیاہ زیرے کو باریک پیس لیں ۔ پھر اس میں زیرہ ملائیں اور پستانوں پر لگائیں تو دودھ کی زیادتی نہیں ہوگی۔
نسخہ نمبر ۲۔ اجوائن حسب ضرورت لے کر اسے پیس لیں اور پانی میں ڈال کر پستانوں پر لگائیں انشاء اللہ دودھ کی زیادتی کے مسئلہ سے نجات حاصل ہوگی۔

امساک اور سرعت انزال کی حیرت انگیز دوا

امساک اور سرعت انزال کی حیرت انگیز دوا
ھوالشافی
شنگرف ایک تولہ، لوبان ایک تولہ، کافور ایک تولہ، افیون ایک تولہ۔
ترکیب تیاری
پہلے شنگرف کو خوب باریک پیس لیں لیں حتیٰ کہ اس میں چمک نہ رہے پھر اس میں لوبان ملا کر پیس لیں، پھر کافور اور افیون ملا کر خوب کوٹیں بلا آمیزش پانی کے نرم ہوجائے گا۔پھر آرام سے چنے کے برابر گولیاں بنالیں اور شیشی میں پیسن کا آٹا ڈال کر اس میں گولیاں ڈال دیں۔
ترکیب استعمال
ہر روز بوقت صبح بعد از ناشتہ پاؤ بھر دودھ میں برگد کے پیٹ کی سات کونپلیں ابال لیں دودھ کے ٹھنڈا ہونے پر کونپلیں پھینک دیں اور اس میں حسب ضرورت شہد یا مصری یا مصفٰی چینی ملا کر ناشتہ کے آدھے گھنٹے کے بعد ایک گولی کے ہمراہ نوش جان فرمائیں اگر برگد کی کونپلیں دستیاب نہ ہو سکیں تو ایک گولی ویسے ہی ہمراہ نیم فرم دودھ کے ساتھ استعمال کرنے کی ہدایت دیں۔
فوائد
یہ گولی سرعت انزال میں ٹھراؤ پیدا کرتی ہے، وقتی ممسک بھی ہے اور مستقل ممسک بھی، جوہر حیات کو غلیظ یعنی گاڑھا اور قابل اولاد بھی بناتی ہے۔ اس کا استعمال قوت باہ کو قوی کرتا ہے اور سرعت انزال کا قطعی خاتمہ کرتا ہے ۔ پیس دن کے استعمال سے مکمل فائدہ ہو جاتا ہے، یاد رہے اس کا استعمال اس قدر بے ضرر ہے کہ اسے بلا خوف و خطر روزانہ استعمال کیا جا سکتا ہے ۔ اور اس کی پہلی ہی خوراک کے بعد پہلی ہی رات نمایاں فاہدہ محسوس ہوتا ہے۔
نسخہ عطیا برائے الحکمت دواخانہ۔
طالب دعا الحکمت دوا خانہ۔

واٹس ایپ نمبر

03453591419

Treatment of various diseases by honey مختلف بیماریوں کا علاج بذریعہ شہد

بالغان کی مختلف بیماریوں کا علاج بذریعہ شہد۔
اعضاء جسمانی کو مضبوط بنانے میں شہد نمایاں کردار ادا کر سکتا ہے۔شہد زندگی بخش غذا ہے۔اس سے بھرپور فاہدہ اٹھایا جا سکتا ہے ۔ اس کے متعلق ہم ادھر بالغان کی چند عام بیماریوں جیسا کہ (امراض گوش یعنی کان کے امراض ، بلڈ پریشر ، دانت، دماغ کی کمزوری ، کان کے زخم، گلے کی دکھن، منہ کے چھالے ، نزلہ زکام وغیرہ)کا علاج بذریعہ شہد کا ذکر ذیل میں کریں گے۔

نمبر ۱۔ امراض گوش(کان کا مرض)کا علاج بذریعہ شہد۔
اگر آپ محسوس کریں کہ آپکے کان بجتے ہوں تو قلمی تھوڑ چار رتی لے لیں اور اسے باریک پیس کر چھ ماشہ شہد ملا لیں۔یہ دوا تھوڑے سے نیم گرم پانی میں ملا کر حل کر لیں اور چند قطرے کان میں ٹپکائیں ۔ انشاء اللہ کان میں بجنے کی شکایت دور ہوجائے گی۔

نمبر ۲۔ بلڈ پریشر کا علاج بذریعہ شہد۔
ایک گلاس سادہ پانی لیں ۔ اس میں ایک بڑا چمچ شہد گھول کر شربت بنا کر اس کو پی جائیں۔ سوا مہینہ تک روزانہ صبح نہار منہ پی لیا کریں۔اللہ کریم نے چاہا تو انشاء اللہ بلڈ پریشر کا مرض ہمیشہ کے لئے رفع دفع ہو جائے گا۔

نمبر ۳۔آشوب چشم ک علاج بذریعہ شہد۔
آشوب چشم کے لئے چاہئے کہ خالص شہد تین تولہ اور ورق سونا ایک ماشہ لے لیں ۔ تھوڑے تھوڑے ورق ملا کر شہد میں کھرل کر لیں۔ اور مسلسل تین گھنٹے تک کھرل کر یں۔ پھر کھرل کو دھوپ میں رکھ دیں دوسرے دن پھر صبح تین گھنٹے تک کھرل کریں اور باقی دن دوبارہ دھوپ میں رکھ دیں ۔ یہ عمل پورا ایک ہفتہ تک انجام دیں۔ تو دوا تیر ہو ھائے گی۔ یہ قطرے صبح و شام دو قطرے آنکھوں میں ڈالیں ۔ چند ہفتوں میں انشاء اللہ موتی کا پانی بند ہو جائے گا۔یاد رہے کہ یہی دو قطرے آنکھوں کی خارش ، سرخی اور جالے میں بھی بے حد مفید ہوگی۔
یا پھر خالص شہد آٹھ تولہ لیں اور ایک تولہ ہینگ لیں اسے شہد میں تین گھنٹے تک کھرل کریں اورپھر اسے کسی چھوٹے منہ کی شیشی میں محفوظ کر لیں۔ ابتدائی موتیا کی صورت میں دن میں تین مر تبہ استعما ل کریں ۔ انشاء اللہ شفاء ہوگی۔

نمبر۴۔ دانتوں کی بیماریوں کا علاج بذریعہ شہد۔
آج کل کے مصنوعی دور میں سو میں سے ساٹھ فیصد حضرات دانتوں کے کسی نہ کسی مرض میں مبتلا ہیں ۔ کسی کی داڑھ دکھ رہی تو کوئی پائیوریا اور ماسخورہ کا شکار ہے۔
نسخہ نمبر ۱۔ موتیوں جیسے دانتوں کے لئے۔
اگر آپ چاہتے ہیں کہ آپکے دانت موتیوں کی طرح چمک جائیں تو سنئے۔ تارا میرا کے بیج اور خوردنی نمک ہم وزن لیں اور پیس لیں پھرا س میں شہد ملا کر پیسٹ بنا لیں اور صبح و شام اس پیسٹ سے دانت صاف کریں تو آپکے دانت نہ صرف بہت زیادہ مضبوط ہونگے بلکہ اللہ کے حکم سے موتیوں کی طرح چمکنے بھی لگیں گے۔
نسخہ نمبر ۲۔ دانت کی کیڑے کا علاج بذریعہ شہد۔
دانتوں کے کیڑے کے لئے انگوری سرکہ دو تولہ، پھٹکری کے پھول ایک تولہ ، تین ماشہ کالی مرچ پسی ہوئی دو تولہ شہد میں ملائیں اور اس کا پیسٹ بنا لیں ۔ اسکو دن میں تین سے چار بار استعمال کرنے سے دانت کے کیڑے ختم ہو جاتے ہیں۔
نسخہ نمبر ۳۔ ہلتے دانتوں کا علاج بذریعہ شہد ۔
اگر آپ کے دانت ہلتے ہوں تو سرکہ اور شہد ہم وزن لے کر اس میں پھٹکری ڈل کر پکائیں اور گاڑھا کر لیں ۔ ہلتے دانتوں پر روزانہ صبح و شام لگائیں انشاء اللہ دانت ہلنا بند ہو جائیں گے۔

نمبر۴۔ دماغی کمزوری کا علاج بذریعہ شہد۔
اگر آپکو دماغی تھکان محسوس ہو رہی ہو تو ایک چمچ شہد نیم گرم پانی میں ملا کر پئیں انشاء اللہ دماغی تھکان دور ہو جائے گی۔

نمبر ۵۔ کان کے زخم اور پیپ کا علاج بذریعہ شہد۔
بعض اوقات کان میں کوئی زخم ہو جاتا ہے اور اس میں پیپ بہتی ہے۔ یاد رہے کہ کان دماغ کے بالکل نزدیک ہوتا ہے اس لئے درد کی لہریں پوری قوت سے دماغ میں پہنچتی ہیں۔یو ں مریض کو شدید درد کا احساس ہوتا ہے ۔ایسے مریض کو چاہئیے کہ انزروت تین ماشہ ، نمک خوردنی ایک ماشہ ، اور شہد ایک تولہ لے کر سب سے پہلے نمک اور انزروت کو پیس لیں اس کے بعد سے شہد میں ملائیں ۔ اگر پانی کی ضرورت پیش ہو تو تھوڑ انیم گرم پانی مل کر کان میں ڈالیں انشاء اللہ زخم مندمل ہوگا اور پیپ آنا بھی بند ہو جائے گی۔

نمبر ۶۔ کان کے درد کا علاج بذریعہ شہد۔
کان کے درد کے لئے خالص شہد ، نیم کے پتوں کا پانی اور بکری کا دودھ ہم وزن ملا لیں اور کان کے درد کی حالت میں کان میں چند قطرے ٹپکائیں انشاء اللہ چند روز میں کان کا شدید سے شدید درد بھی رفع ہو جائے گا۔

نمبر ۷۔ گلے کی دکھن کا علاج بذریعہ شہد۔
حلق یا گلہ کی سوزش یا دکھن میں ایک کھانے کا چمچ شہد دن میں تین چار پار چاٹ لی کریں۔ انشاء اللہ جلد بہترے ہو جائے گی۔

نمبر ۸۔ منہ کے چھالوں کا علاج بذریعہ شہد۔
آپ کے منہ میں اگر چھالے پڑ گئے ہوں تو سہاگہ لے کر ہلکی آنچ پر پھولا لیں اور پھر اسے چار گناشہد میں ملا لیں اور پھر اس کو چھالوں پر مل کر پانی نیچے گراتے رہیں اللہ عزوجل نے چاہا تو صرف چند یوم میں آرام آجائے گا۔یا پھر پنچ تولہ خالص شہد میں یک تولہ پسی ہوئی مہندی ملا کر روئی کے پھائے سے زبان پر لگائیں۔ زبان کے چھالے اور زخم موقوف ہو جائیں گے۔

نمبر ۹۔ نزلہ و زکام کا علاج بذریعہ شہد۔
نسخہ نمبر ۱۔
ایک بڑا چمچ لے کر اس میں آدھے لیموں کا رس اور شہد ملا کر چاٹ لیں ۔ تمام دن میں یہی عمل تین سے چار مرتبہ دہرائیں ۔ انشاء اللہ نزلہ وزکام سے نجات حاصل ہوگی۔
نسخہ نمبر ۲۔
گرم پانی کے گلاس میں ایک چھوٹا چمچ ادرک کا رس اور ایک بڑا چمچ شہد شامل کریں اور ملا کر پی جائیں۔یہی عمل دن میں تین سے چار مرتبہ دہرائیں انشاء اللہ نزلہ و زکام کے لئے بے حد مفید ثابت ہوگا۔
نسخہ نمبر ۳۔
پیالہ بھر پانی لیں اس میں ایک لیموں نچوڑلیں دو عدد کھانے والے چمچ شہد ملالیں نزلہ و زکام کی حالت میں سونے سے قبل نیم گرم پی لیں انشاء اللہ تعالیٰ فائدہ ہو جائے گا۔

نمبر ۱۰ ۔ دمہ کا علاج بذریعہ شہد۔
دمہ کے لئے چاہیئے کہ دو سیر پانگ (چھوٹی مچھلی ) لیں اور اتنی ہی مقدار میں آک کے پتے بھی لیں۔دونوں کو اچھی طرح ملا کر کڑاھی میں ڈال دیں اور آگ پر رکھ دیں حتیٰ کہ جل کر راکھ ہو جائے یہی راکھ تین سے چار رتی کی مقدار میں شہد ملا کر صبح و شام استعمال کریں ۔ انشاء اللہ فائدہ ہوگا۔

نمبر ۱۱۔ کھانسی کا علاج بذریعہ شہد۔
دھیرک کے پھل یعنی دھر کونے سیر دو سیر لے کر مٹی کی ہنڈیا میں ڈال دیں اور آگ پر رکھ کر جلا کر راکھ بنالیں اور اس راکھ کو پیس کر راکھ سے تین گنا شہد ملا لیں ۔ یہ قوام خشک کھانسی میں بے حد مفید ہے۔اور ہمارے نزیک یہ گلے کے امراض میں بھی اشتہاری دواؤں سے کہیں بہتر ثابت ہوگا انشاء اللہ عزوجل۔

بچوں کی بیماریوں کا علاج بذریعہ شہد Treatment of children by honey

بچوں کی بیماریوں کا علاج بذریعہ شہد۔
شیر خوار بچوں کے لئے شہد اکسیر کا حکم رکھتا ہے۔ننھے بچوں کا یک مسئلہ یہ بھی ہوتا ہے کہ وہ بتانے سے قاصر ہوتے ہیں کہ وہ وقت دانت کی تکلیف کے باعث رو رہے ہیں یا پیٹ میں درد کے باعث چلا رہے ہیں۔ یا کان کے درد کی وجہ سے بے چین ہیں۔ شہد چونکہ کثیر الاثر دوا ہے اس لئے جو تکلیف بھی ہو اسے رفع کر دیتا ہے۔ دانت نکا لنا ، پیٹ کا درد ، سوتے میں رونا ہچکی ، دست، اسہال، بستر پر پیشاب کرنا اور کھانسی جیسے مرض کے لئے شہد کے چند کرشمے آپ قارائین کی پیش نظر کر رہا ہوں۔

نمبر۱۔ بچوں کے دانت نکالنے کے زمانہ کا علاج بذریعہ شہد۔
اکثر دانت نکالنے کے زمانہ میں بچوں کو دست کی عام شکایت ہوتی ہے۔اگر دانت نکلنے سے پہلے شہد کا استعمال کیا جئے تو بچوں کو دست نہیں لگتے اور نہ ہی بچے کمزور ہوتے ہیں ۔ بچوں کو تھوڑا سا شہد دن میں تین سے چار مرتبہ چٹانا چا ہیئے ۔ جب دانت نکلنے کا زمانہ ہو تو بچوں کے مسوڑوں پر انگلی کی مدد سے روزانہ تھوڑ ا تھوڑا سا شہد لگا دینا چاہئے۔ یاد رہے اس عمل سے دانت نکلنے میں آسانی پید اہو جاتی ہے۔
نسخہ ۔
شہد خالص کو گائے یا بھینس کے مکھن میں ملا کر دن میں تین مرتبہ بچوں کے مسوڑوں پر مل دیا کریں۔ اس سے با آسانی دانت نکل آتے ہیں۔یاد رہے اس عمل کودن میں کئی مرتبہ دہرانا ہے۔

نمبر ۲۔ بچوں کے پیٹ کے درد کا علاج بذریعہ شہد۔
پیٹ کے درد کے لئے بچوں کو عرق گلاب ، عرق پودینہ، عرق سونف، ور شہد ہم وزن ملا کر بچے کو چٹائیں تو انشاء اللہ فاقہ ہوگا اور بچے کے پیٹ کے درد کی شکایت دور ہوگی۔ ی عرق گلاب ، بدیان، پودینہ اور الائچی میں شہدملا کر بچے کو پلائیں اللہ پاک عزوجل کے حکم سے بچے کو مروڑ سے نجات ملے گی۔

نمبر ۳۔ بچوں کا سوتے میں رونے کا علاج بذریعہ شہد۔
اکثر بچے سوتے میں روتے ہیں، اس طرح کے معملے میں صبح ، دوپہر ور شام تھوڑا تھوڑ شہد بچے کو چٹائیں۔

نمبر ۴۔ بچے کی ہچکیوں کا علاج بذریعہ شہد۔
اگر بچہ ہچکی لیتا ہو تو بچے کو شہد چٹائیں انشاء اللہ ہچکی بند ہو جائے گی۔ یا پھر ہلدی ایک گرام، شہد چھ گرام ۔ ہلدی ک سفوف بنا کر شہد میں ملا کر تیار کر لیں ۔ جب کبھی بچے کو ہچکی کی شکایت ہو تو بچے کو ایک چمچ پلائیں انشاء اللہ عزوجل ہچکی بند ہو جائے گی۔ یاد رہے یہ نسخہ بڑوں کے لئے بھی کار آمد ہے۔

نمبر ۵۔بچوں کی کھانسی کا علاج بذریعہ شہد ۔
اگر بچے کو کھانسی کی شکیت ہو تو شہد میں سہاگ بریاں آٹھ اور ایک کی نسبت سے مل کر چٹائیں، خاص طور پر سوتے وقت لازمی چٹائیں۔ اللہ کے حکم سے ضرور فائدہ ہوگا اور بچہ پر سکون نیند سو سکے گا۔

نمبر ۶۔ بچوں کے قے ، اوردست کا علاج بذیعہ شہد۔
اگر بچے کو دست و اسہال کی شکایت ہو تو شہد اور مکھن برابر مقدار میں چھوٹی چمچ کے ساتھ تھوڑا تھوڑا دن میں تین مرتبہ بچے کو چٹائیں اللہ پاک نے چاہا تو قے اور دست سے آرام مل جائے گا۔

نمبر ۷۔ بچوں کے اسہال کا علاج بذریعہ شہد۔
جب بچے کو پتلے ہرے جھاگ دار اور دہی کی مانند پھٹے ہوئے دست آتے ہوں جن میں کھٹی بو محسوس ہو تو آپ کو چاہئے اسہال کے لئے سہاگہ بریاں ایک حصہ ، شنگرف دو حصہ، افیون تین حصہ پیس کر شہد کے ہمراہ گولیاں بنائیں ۔ ہر اسہا ل کے بعد آدھی گولی بچے کو کھلائیں انشاء اللہ دست بند ہو جائیں گے۔

نمبر ۸۔ بچوں کے بستر پر پیشاب کرنے کا علاج بذریعہ شہد۔
اگر بچہ رات سوتے میں بستر پر پیشاب کرنے کی عادت میں مبتلا ہے تو اسے سوتے وقت شہد کا ایک چھوٹا چمچ چٹائیں ور یہی عمل چند روز تک جری رکھیں اللہ کریم کے حکم سے بچے یہ عادت ترک کر دیگا۔

Treatment of intestinal diseases by honey آنتوں کی بیماریوں کا علاج بذریعہ شہد

 

شہد بطور دوا برائے آنتوں کی بیماریاں
معدے کے ساتھ آنتیں بھی غذاہضم کرنے میں خاص کردار ادا کرتی ہیں اگر معدہ اچھی طرح کام کر رہا ہو اور آنتیں اندر سے زخمی ہوں تو نظام ہضم بری طرح متاثر ہو جاتا ہے ۔اس صورت میں انسان پیچش ، اسہال اور کئی طرح کی پیٹ کی بیماریوں کا شکار ہو جاتا ہے۔پیٹ میں درد اور مروڑ ہونے لگتے ہیں مریض بے قرار ہوجاتا ہے ۔ اور اگر ورم بھی ساتھ ہی ہوجائے تو تکلیف ناقابل برداشت ہوجاتی ہے۔ایسی حالت میں یہ دوائیں یعنی شہد کے اشتراک سے بنی دوائیں بہت مفید ثابت ہوتی ہیں ۔آنتوں کے زخم ،اسہال و پیچش ، کرم شکم یعنی پیٹ کے کیڑے ، قبض ، مروڑ وغیرہ کا آسان شہد اور دیگر جڑی بوٹیوں سے علاج ذیل میں تفصیل کے ساتھ بیان کیا جارہاہے۔

نمبر ا۔ آنتوں کے زخم کا علاج بذریعہ شہد۔
آنتوں کے زخم کے لئے تخم باتگ دو تولہ، اصلی شہد پانچ تولہ ، پانی ایک سیر۔
ترکیب:
تخم باتگ کو ایک سیر پانی میں جوش دیں ، جب پانی تین پاؤ رہ جائے تو اس کو خوب مل کر چھان لیں اور شہد ملا کر اس کو حل کر کے یک جان کر لیں۔ دن میں دو سے تین مرتبہ استعمال کرین انشاء اللہ فائدہ ہوگا۔اس کے علاوہ اس سے معدہ کے زخم بھی صاف ہوتے ہیں۔ورم معدہ تحلیل ہوجاتا ہے ۔یاد رہے اس دوا کو بار بار استعمال کرنے سے یا لمبے عرصہ تک استعمال کرنے سے تمام زخم معدہ و آنتیں بھر جاتے ہیں۔ پرہیز کا خاص خیال رکھیں، کھانے میں تیز مرچ مصالحہ جات سے مکمل پرہیز کریں زیادہ تر نرم اور جلد ہضم غذا استعمال کریں۔

نمبر ۲۔ اسہال کا علاج بذریعہ شہد۔
اسہال کئی قسم کے ہوتے ہیں جیسا کہ معدی، معوی، جگری ، صفرادی ، بلغمی ، سودادی، خونی پیچش وغیرہ ۔ ہر ایک کے واسطے جدا جدا ترکیب علاج اور علیحدہ علیحدہ نسخے استعمال کئے جاتے ہیں ۔ ذیل کی گولیان تمام اقسام کے اسہال کے لئے بفضل تعالیٰ مجرب ثابت ہونگی۔
نسخہ
افیون تین حصہ، سہاگ بریاں ایک حصہ ، شنگرف دو حصہ ۔ ان تینوں اجزاء کو ایک ساتھ پیس کر شہد ڈال کر بقدر دانہ جو کے گولیاں بنا لیں اور ہر اسہال کے بعد ایک گولی کھائیں انشاء اللہ صرف چند گولیوں کے استعمال سے دست بند ہوجاتے ہیں۔

نمبر ۳۔ پیچش کا علاج بذریعہ شہد۔
پیچش کے لئے شہد میں اسپغول کا چھلکا ملا کر چرب کر کے دودھ سے کھلائیں ۔ انشاء اللہ تعالیٰ درد میں فوری آرام آجائے گا اور پیچش جاتی رہے گی۔
نمبر ۴۔ کرم شکم یعنی پیٹ کے کیڑوں کا علاج بذریعہ شہد ۔
کرم شکم کے لئے پلاس یا ہڑ سات ماشہ پیس کر اس کا رس نکالیں اور اس میں دو تولہ شہد ملا کر پلائیں انشاء اللہ تمام کیڑے مر جائیں گے اور چہرے کی ذردی گل لالہ کی سرخی میں بدل جائے گی۔
یا پھر نیم کے تازے پتے ، دھتورے کے تازے پتے، ارنڈ کے تازہ پتے ہر ایک ایک دو تولہ گھوٹ کر ان کا رس نکالیں اور اس میں دو تولہ شہد حل کر کے پلائیں یا خود نوش فرمائیں تو آپ کے تمام اندرونی دشمن ہلاک ہو جائیں گے انشاء اللہ عز وجل۔

نمبر ۵۔ قبض دائمی کا علاج بذریعہ شہد۔
قبض کے لئے ایک پیالی نیم گرم دودھ میں دو یا تین چمچ شہد ملا کر پینے سے دائمی قبض کو افاقہ ہوجاتا ہے اور اجابت معمول کے مطابق رازانہ ہونا شروع ہوجاتی ہے۔اس کے علاوہ اگر گلقند دو تولہ ، شہد دو تولہ میں ملا کر رات سوتے وقت نیم گرم دودھ میں ملا کر استعمال کریں گے تو اس سے بھی دائمی قبض جاتی رہے گی۔ شہد ایک چمچ اور دو چمچ گرم دودھ میں ملا کر دینے سے قبض دور ہو جاتی ہے ۔

نمبر ۶۔ مروڑکا علاج بذریعہ شہد۔
مروڑ کے لئے اس نسخے کو ہم آنتوں کے زخم کے بارے میں استعمال کر چکے ہیں جیسا کے ذکر کیا جا چکا ہے کہ یہ نسخہ اسہال ، پیچش ، آنتوں کے زخم اور ورم کے لئے بہت مفید ہے۔ اس ہی طرح یہ نسخہ مروڑ کے لئے بھی بے حد مفید ہے۔ وہی نسخہ ہم آپکی آسانی کے لئے دوبارہ ذیل میں درج کر رہے ہیں۔
نسخہ
تخم بارتگ دو تولہ ، پانی ایک کلو، شہد پانچ تولہ لے لیں ۔ تخم بارتگ کو ایک کلو پانی میں جوش دے لیں ۔ جب پانی تین پاؤ رہ جائے تو اسے خوب چھان لیں پھر اس میں شہد شامل کر لیں اور اس کو دن میں تین مرتبہ استعمال کریں۔ انشاء اللہ افاقہ ہوگا۔

نمبر ۷۔ دائمی قولنج یعنی پیٹ کا درد کا علاج بذریعہ شہد۔
دائمی قولنج کے لئے انجیر زرد ایک کلو، شہد خالص تین کلو اور ہانی دس کلو ۔ انجیر کو پانی میں ڈال کر پکائیں جب سنجیر گل جائیں تو نیچے اتار کر چھان لیں۔ پھر شہد ملا کر قوام بنائیں اور یہ قوام دائمی قولنج کے لئے اکسیر اور مفید ہوگا انشاء اللہ عزوجل۔

نمبر ۸۔ بچوں کے پیٹ کے درد کا علاج بذریعہ شہد۔
جب بچوں کے پیٹ میں درد ہوتا ہے تو وہ عام طور پر بہت زور سے روتے ہیں اور چیخ مارتے ہیں اور اکثر پیٹ پر ہاتھ پھیرنے سے ان کو آرام محسوس ہوتا ہے ۔ یہ نسخہ بچوں کے پیٹ درد کے واسطے بے حد مفید ہے۔
نسخہ
شہد خالص ایک تولہ،عرق گلاب دو تولہ ، عرق بادیان یعنی سونف دو تولہ، عرق پودینہ دو تولہ لے لیں۔ ان تما م عرقیات میں شہد کو اچھی طرح ملا کر دن میں تین چار مرتبہ استعمال کرائیں انشاء اللہ عزوجل پیٹ درد میں آرام آجائے گا۔

نمبر ۹۔ قے یا الٹی متلی کا علاج بذریعہ شہد ۔
بعض اوقات معدہ کی حدت میں اضافہ ہوجاتا ہے یا کوئی زہریلی چیز کھانے میں شامل ہو جاتی ہے تو جی متلانے لگتا ہے اور الٹیاں شروع ہو جاتی ہیں یا پھر دوران حمل خواتین کو الٹیاں آتی ہیں ۔ اس صورت میں گل خشک ایک تولہ اور شہد حسب ضرورت لے لیں ۔ گل خشک کو پانی میں جوش دیں پھر اس کو چھان لیں اور شہد اچھی طرح ملالیں ۔ اس کو پینے سے مریض کو متلی اور قے وغیرہ میں آرام آجاتا ہے یا پھر شہد میں لیموں کا رس ملا کر چاٹنے سے بھی قے رک جاتی ہے۔

آنکھوں کی بیماریوں کا علاج بذریعہ شہد Treatment of eye diseases by honey

آنکھوں کی بیماریوں کا علاج بذریعہ شہد
آنکھوں کے بیشمار امراض جس میں آشوب چشم ، سرخی چشم، ہررال چشم، رتوندامی، پھولا، جالا، ککرے، موتیابند، شب کوری اور نزول الماء وغیرہ شامل ہیں۔ ان میں سے اکثر کے لئے شہد ایک مفید دوا ہے۔
نمبر ا۔ آشوب چشم
آنکھوں کی اس تکلیف میں آنکھوں سے رطوبت بہتی ہے ۔ پپوٹوں کے اندر کی جھلی اور کبھی ڈھیلے کے اوپر کی جھلی بھی سرخ ہوجاتی ہے۔
 
آشوب چشم کا علاج بذریعہ شہد۔

  عرق گلاب میں ہم وزن شہد کو حل کر کے ایک ایک سلائی دن میں دو یا تین بار لگانے سے انشاء اللہ تکلیف دور ہوجائے گی۔

نمبر ۲۔ نظر کی کمزوری کا علاج بذریعہ شہد۔
نظر کی کمزوری کے لئے شہد دو تولہ ایک پیالی نیم گرم دودھ میں ملاکر سوتے وقت پینا چاہیئے یا صبح ناشتہ میں استعمال کیا جائے اور ایک سلائی آنکھوں میں لگائی جائے تو نظر کی کمزوری سے نجات مل جاتی ہے۔

نمبر ۳۔ سرخی چشم کا علاج بذریعہ شہد۔

سرخی چشم کے لئے آدھا کلو موٹی موٹی ہلیلہ زرد کسی مٹی کی ہنڈیا میں ڈال کر تقریباٌ ڈیڑھ کلو پانی شامل کریں اور اسے دھیمی آنچ پر پکائیں ۔ جب تمام پانی خشک ہوجائے اور ہلیلہ پھول جائے تو آگ سے اتار کر چھلکا پیس لیں اور گٹھلیاں پھینک دیں۔ اس میں آدھا کلو شہد اور ایک کلو بورہ کھانڈ دیسی ملا کر مرتبان میں ڈال کر پانچ سے سات کلو گندم کے ڈھیر میں بند کر دیں ۔ ایک ماہ بعد گندم سے تیار والا مرتبان نکالیں اور روزانہ نصف چھنٹانک استعمال کریں ۔ یہ معجون سرخی چشم کے علاوہ نزول الماء ، ککروں اور دائمی قبض کے لئے بھی بہت مفید ثابت ہوگا انشاء اللہ۔

نمبر ۴۔ رتوندا کا علاج بذریعہ شہد سے۔
رتوندا کے مرض میں مریض کو رات میں کچھ نظر نہیں آتااس لئے ایسے مریض کو رات کا اندھا کہتے ہیں ۔ رتو ندا کے مریض کو چاہیئے کہ وہ خمیرہ گاؤ زبان عنبری جواھر والا آدھی چمچ اور شہد دو چمچ صبح و شام کھائے اور دو، دو سلائی شہد آنکھوں میں سوتے وقت لگائے یہ عمل وہ تین سے چار ماہ تک جاری رکھے انشاء اللہ تعالیٰ شہد اپنا جادوئی اثر دکھائے گااور مریض کا مرض بحکم اللہ پاک کریم جاتا رہے گا۔

نمبر ۵۔ پھولا کا علاج بذریعہ شہد سے ۔
آک کے دو پتے کوٹ کر پانی نچوڑ لیں ۔ بارہ سنگا ایک تولہ لے کر سل پر اس آک کے پانی میں رگڑ لیں ۔ جب خشک ہو کر سفوف بن جائے تو اس میں ہم وزن شہد ملا کر خوب کھرل کر لیں اور شیشی میں محفوظ کر لیں۔ اس دوائی کو دن میں تین چار بار پھولے پر لگائیں انشاء اللہ فائدہ ہوگا۔
ایک اور نسخہ تھوڑا سا خوردنی نمک شہد میں ملا کر آنکھوں میں لگانے سے پھولا دور ہوجاتا ہے یا پھر شیر مدار میں تیار کردہ کشتہ بارہ سنگا چار ماشہ لے کر شہد خالص ایک تولہ میں اچھی طرح ملا لیں۔ دن میں کئی مرتبہ تین تین سلائیاں آنکھوں میں لگائیں۔ مہینہ ڈیڑھ تک استعمال کریں پھر قدرت کا کرشمہ دیکھیں ۔

جالا اور دھند کا علاج بذریعہ شہد۔
دھند اور جالے کے لئے یہ نسخہ متعدد مرتبہ کا مجرب ہے۔ بادی النظر میں معمولی دکھائی دیتا ہے لیکن فوائد کے حساب سے لاجواب ہے، شہد خالص ایک تولہ لے کر شیر مدار میں تیار کردہ کشتہ بارہ سنگھا چار ماشہ شامل کر لیں اور اسے اچھی طرح ملائیں دن میں تین مرتبہ تین تین سلائیاں آنکھوں میں لگائیں ایک مہینے تک انشاء اللہ دھند اور جالے کی شکایت دور ہوجائے گی۔
نمبر ۷۔ ککرے کا علاج بذریعہ شہد اور دیگر جڑی بوٹیوں سے۔
نسخہ معجون خوردنی۔
اجزاء
ہلیلہ زرد موٹی موٹی آدھا کلو۔ شہد آدھا کلو ۔پانی ڈیڑھ کلو۔ بورہ کھانڈ ایک کلو۔
ترکیب
ھریڑ کو کسی مٹی کے برتن میں ڈال کر اس میں پانی شامل کر کے ہلکی آنچ پر پکائیں ۔ جب پانی خشک ہوجائے اور ہلیلہ (ھریڑ) پھول جائے تو آگ سے اتار کر چھلکا پیس لیں اور گٹھلیاں پھینک دیں پگر اس میں بورہ کھانڈ اور شہد ملا کر مرتبان میں ڈال کر سات کلو گندم سے نکال کر روزانہ نصف چھٹانک استعمال کریں۔ ککرے کے مرض میں انشاء اللہ واضح افاقہ ہوگا۔

نمبر ۸۔موتیا بند کا علاج بذریعہ شہد سے۔
امراض موتیا بند کے لئے شہد ایک ماشہ ۔ پیاز کا پانی ایک ماشہ ۔ کافور بھیم سینی چار رتی ملا کر شیشی میں رکھ لیں اور سلائی سے آنکھوں میں لگائیں ۔ یہ نسخہ موتیا بند کے لئے اکسیر ہے۔
ایک اور نسخہ خالص شہد اعر پیاز کا پانی آدھ آدھ تولہ ۔ کافور بھیم سینی ڈیڑھ ماشہ ۔ تینوں اشیاء شیشی میں ڈال کر خوب ہلائیں یہاں تک کہ یہ یک جان ہوجائیں ۔ صبح و شام ود تین قطرے آنکھ میں ڈالیں صف چند ہفتوں کے استعمال سے موتیا بند کا پانی بند ہوجاتا ہے۔یا پھر موتیا سفید کی ابتداء میں اگر شہد کا استعمال مسلسل رکھیں اور عرق گلاب سے آنکھوں کو دھوتے رہیں اور شہد لگاتے رہیں تو موتیا بند کا پانی اترنا رک جاتا ہے۔

نمبر ۹۔ شب کوری کا علاج بذریعہ شہد سے۔
شب کوری کے لئے شہد اور پیاز کا پانی اور سیاہ بکری کے جگر کا پانی مساوی یعنی ہم وزن ملا ک دن میں سلائی سے تین یا چار مرتبہ آنکھوں میں لگائیں گے تو اللہ کریم کے حکم سے آنکھوں کی شب کوری جاتی رہے گی۔

نمبر۹۔ نزول الماء کا علاج بذریعہ شہد سے۔
نزول الماء کے لئے اس مرض میں آنکھ کے اندرونی پردوں کے اندر غلیظ رطوبت اترتی ہے جس سے بصارت میں فرق پڑ جاتا ہے۔ اس رطوبت کی ذیاتی سے بصارت کا سوراخ بند ہوجاتا ہے اور کوئی چیز واضح دکھائی نہیں دیتی ۔ ڈاکٹروں کے مطابق اس کا آخری حل آپریشن ہوتا ہے ۔ مگر بفضل تعالیٰ ہم اس مرض کے چند نسخے آپ کی خدمت میں پیش کر رہے ہیں، امید ہے اپنی دعاؤں میں یاد فرمائیں گے۔
نسخہ نمبر ۱۔ (معجون نزول الماء)
پندرہ تولہ شہد میں وج، ہینگ۔ سونٹھ دو دو تولہ۔ چھ ماشہ افیون خالص پیس کر حل کر لیں اور اس کا معجون بنا لیں جب موتیا اترنے کی علامت نظر آئیں تو روزانہ ایک سے دو ماشہ تک یہ معجون کھلانے سے یہ مرض انشاء اللہ تعالیٰ ختم ہو جاتا ہے۔
نسخہ نمبر ۲۔ (سرمہ نزول الماء)
ہینگ خالص باریک پیس کر شہد میں ملائیں اور صبح و شام آنکھ میں لگاتے رہیں ۔ اسکے استعمال سے ابتداء نزول الماء میں اللہ کریم کے حکم سے بہت فائدہ ہوتا ہے۔ نیز یہ شب کوری کو بھی دفع کرتا ہے۔
نسخہ نمبر ۳۔ (معجون نزول الماء)
شہد پندرہ تولہ ، ہینگ ، سونٹھ اور وج ہر ایک دو دو تولہ ۔ افیون چھ ماشہ بایک پیس کر شہد کے ساتھ ملا کر معجون بنائیں ۔ نزول الماء کے لئے انشاء اللہ بہت مفید ہوگا۔ خوراک چھ ماشہ ایک تولہ تک مکھن میں رکھ کر نوش فرمائیں۔
نسخہ نمبر ۴۔ (معجون دج)
وج ڈیڑھ تولہ ۔ ہینگ سونٹھ اور سونف ہر ایک نو ماشہ باریک پیس کر ایک پاؤ شہد میں شامل کرکے معجون بنالیں ۔ نزول الماء کے لئے بے حد مفید ہے۔

شہد کے اجزائے ترکیبی

شہد کے اجزائے ترکیبی

 شہد کے مندجہ ذیل اجزائے ترکیبی سے آپ کو بخوبی اندازہ ہو جائے گا کہ شہد کا استعمال انسانی جسم کے لئے کتنا سود مند ہے۔
شہد میں جو آبی رطوبتیں موجود ہیں وہ مندجہ ذیل ہیں۔
پانی Water 19.28
روغنی اجزاء Oil 4.39
گنے کا شکرہ Sucrose 1-8
پھلوں کا رس Celulose 24-39
گلوکوز Glocouse 1-8
اور اس کے علاوہ موسم اور رنگ دار مادے سے ملے ہوتے ہیں ۔
قلیل مقدار میں حیاتین بی کمپلیکس کی مندجہ ذیل اقسام پائی جاتی ہیں۔
بی اتھائے مینThimaine
بی الیون رابوفلیوین Ribo Flavin
بایوٹین Biotin

 فولک ایسڈ Folic Acid

نائے سین Niacin

پینٹوتھینک Pantothenic

حیاتین بی Pcoidoxim

حیاتین جے Vitamin C

حیاتین کےVitamin K

Aprimin Ripadoxine B.6

اجزاء

ایلومینیئم  Aluminium

میگنیشیم Magnesium

پوٹاشیم Potassium

مینگانیز Mangaese

سوڈیم Sodium

کلورین Chlorine

تیزابی مادے Acids
فاسفورس Phasphorus
کیلشیم Calcium
تانبا Copper
فولاد Iron
سلیکون Cilicon
گندھک Sulfhur
امینو تیزابی مادے Amino Acid
پھولوں کا زیرہ Pollon

سلور Silver

 انڈے کی سفیدی
لحمیات

مندرجہ بالا عناصر میں در حقیقت انیس معدنی عناصر نہیں ہیں لیکن ہم نے ان کا ذکر ایک ہی فہرست میں اس لئے مناسب سمجھا ہے کہ تمام معدنی عناصر کی طرح کل شہد کے اسی فیصد حصے میں پائے جاتے ہیں۔