جلد کا علاج بذریعہ شہد اور دیگر اجزاء Skin Treatment By Honey & Other Ingredients

امراض جلد کا علاج بذریعہ شہد اور دیگر اجزاء

 یاد رہے کہ جس طرح شہد میں ہر مرض کے لئے شفاء ہے اس ہی طرح شہد جلدی امراض کے واسطے بھی نہایت سریع الاثر دوا ہے۔ اس میں چنبل، خارش، داد ، چھپاکی کا بھی موثر علاج موجود ہے۔

نمبر۱۔ چنبل ، خارش اور داد کا علاج بذریعہ شہد۔
فرنیچر بنانے والوں سے ٹالپی یعنی شیشم کی پرانی لکڑی کا برادہ حاصل کریں ۔ ٹالپی یعنی شیشم کا یہ برادہ کم عمر یا نئے مرض ہونے کی صورت میں آدھا تولہ اور زیادہ عمر یا پرانا مرض ہو تو دو تولہ تک لے کر رات کو سوا پاؤ پانی میں بھگو دیں ۔ صبح مل کر چھان لیں اس پانی میں دو چمچ شہد ملائیں اور پی لیں ۔ انشاء اللہ چند یوم کے استعمال سے تمام جلدی امراض سے شفاء نصیب ہوگی۔

نمبر ۲۔ چھپاکی کا علاج بذریعہ شہد۔
چھپاکی ایک موذی مرض ہے ۔ اس سے مریض کے جسم پر بڑے بڑے نشان پڑ جاتے ہیں ۔ یہ نشانات بے حد پریشان کرتے ہیں ۔
جل ہم خشک دو تولہ اور سیاہ مرچ ایک تولہ دونوں کو ملا کر پیس لیں اور ڈھائی تولہ شہد ملا کر کالے چنے کے برابر گولیاں بنا لیں ۔ صبح و شام پانی یا شہد ملے دودھ کے ساتھ استعمال کریں اگر نئی چھپاکی ہوئی تو تین دن میں آرام آجائے گا، پرانی صورت میں ہفتہ سے ڈیڑھ ہفتہ استعمال کریں۔انشاء اللہ فائدہ ہو جائے گا۔

نمبر ۳۔ چھائیاں داغ دھبوں کا علاج بذریعہ شہد۔
شہد ویسے تو بیرونی طور پر ایک موثر دوا ہے اس کے لگانے سے چہرے کی چھائیاں اور داغ دھبے دور ہو جاتے ہیں ۔ اگر گندم کو شہد میں گوندھ کر ورم پر لگایا جائے ورم تحلیل ہو جاتا ہے ۔ دنبل پر باندھیں تو دنبل پک جاتا ہے۔
سرکہ اور نمک کے ساتھ شہد آمیز کر کے اگر بند کے داغ دھبوں پر لگایا جائے تو وہ بھی دور ہو جاتے ہیں ۔ اگر شہد کو بالوں میں لگایا جائے تو جوئیں مر جاتی ہیں ۔اگر بند جل جائے تو اس پر لگانے سے ٹھنڈک پیدا ہوتی ہے۔اور زخم اچھا ہونے کے بعد کوئی داغ دھبہ نہیں رہتا۔
بعض اوقات چوٹ کا نشان نیلا ہو جاتا ہے اگر اس مقام پر شہد میں نمک ملا کر لگایا جائے تو وہ نشان بھی ختم ہو جاتا ہے۔اگر شہد زخم پر لگایا جائے تو مواد خارج کر کے سکون پہنچاتا ہے۔

فساد خون سے جلدی امراض ہونے کا علاج بذریعہ شہد۔
یہ مرض اکثر پھوڑے پھنسیوں کی صورت میں ظاہر ہوتا ہے لیکن یہ ایسا کچھ خطرناک نہیں ہوتا ہے انسان عاجز آجائے ۔ ویسے تو گھریلو اور دیسی علاج سے آرام آجاتا ہے ۔ خطرناک بات جب ہوتی ہے جب کسی موذی مرض کے جراثیم کسی صحت مند انسان کے خون میں شامل ہو جائیں ۔ اس ضمن میں بہت سے دیگر مرض ہو سکتے ہیں ۔ لیکن اس میں متعدی دو مرض ہو سکتے ہیں جزام اور آتشک۔مصفی خون، جوڑوں کے درد اور کوڑھ کے لئے۔
نمبر ۱۔ جذام کے مرض کے لئے بکری، بھینس یا گائے کا دودھ میٹھا کر کے پی لیں اس سے جذام میں افاقہ، تنگی تنفس، کی شکایت دور ہو جاتی ہے، یا پھر اس مرض کے لئے بکری کے ایک پاؤ کچھ دودھ میں8 ایک چھنٹانک شہد ملا کر پی لیا کریں اس سے خون صاف ہوتا ہے۔

نمبر۲۔ آتشک کا علاج بذریعہ شہد۔
اس مرض کے لئے رس کپورعمدہ ایک تولہ ، شہد اصلی ایک پاؤ اور صاف پانی دس کلو کلو قلعی دار برتن جس میں بیس سے پچیس کلو پانی آتا ہواستعمال کریں پھر شہد کو اچھی طرح پانی میں حل کر کے برتن میں ڈال دیں اور رس کپور کے ٹکڑے ٹکڑے کر کے کھدر کے صاف کپڑے میں پوٹلی بنائیے اور پھر اس پوٹلی کو پانی کے اندر اس طرح لٹکا ئیے کہ پوٹلی پانی کے اندر ڈوبی رہے۔اب برتن چولہے پر چڑھا کر نیچے ہلکی آنچ پر پکائیں ۔جوں جوں پانی خشک ہوتا جائے پوٹلی کو نیچے کرتے جائیں جب پانی پکتے پکتے اتنا خشک ہوجائے کہ پوٹلی پانی میں نہ ڈوب سکے تو اس عمل کو ختم کر دیں اور آگ کو بند کر کے برتن نیچے اتار لیں۔ سرد ہونے پر پانی سے رس کپور نکال کر پانی سے دھو لیں۔پھر بحیڑ کے دودھ کے ساتھ کھرل کریں اور اتنا کھرل کریں کہ دودھ آدھا کلو جذب ہو جائے ۔ لیں صاحب اکسیر آتشک تیار ہے۔گولیاں بقدر ایک رتی بنا کر کام میں کائیں۔ایک گولی نہار منہ منقیٰ میں رکھ کر نگل لیں ۔ یاد رہء دودھ ، دہی، کھٹی اشیاء اور چاول سے مکمل پرہیز کریں۔

نمبر ۳۔مصفی خون یا خرابی خون کا علاج بذریعہ شہد ۔
مصفی خون میں شہد ایک لاجواب غذا اور دوا ہے ۔ گرم دودھ میں دو چمچ شہد ملا کر رات کو سوتے وقت پی لیا کریں یا دو بڑے چمچ شہد دودھ میں حل کر کے دن میں دو یا تین بار پی لیا کریں۔

نمبر ۴۔ چہرے کی جھریاں کا علاج بذریعہ شہد۔
چہرے کی جھریاں ختم کرنے کے لئے دو چمچ شہد میں نصف چمچ روغن زیتون ملا کر اور چند قطرے لیموں کا رس ملا کر مکس کریں اور پھر اس آمیزے کو چند منٹ کے لئے رکھ چھوڑیں ۔ پھر کسی اچھے صابن سے منہ دھو لیں اور تولیہ سے خشک کریں اس کے بعد آمیزے کو چہرے پر لگائیں اور ہلکا ہلکا مساج کریں ۔ پندرہ منٹ بعد مساج شدہ چہرہ دھو لیں ۔ روزانہ یہی عمل دہراتے رہیں ۔ انشاء اللہ تعالیٰ چند یوم میں چہرے کے داغ ، دھبے اور جھریاں ختم ہو جائیں گی۔

نمبر ۵۔ خون کی کمی کا علاج بذریعہ شہد۔
خون کی کمی کے لئے صبح نہار منہ خالص شہد کے تین چمچ اور را تکو سونے سے پہلے دو چمچ چاٹ لیا کریں ۔ اس کے علاوہ روغن زیتون میں پکی ہوئی غذائیں استعمال کریں۔ شہد اور زیتون کے مسلسل روزانہ کے استعمال سے مطلوبہ مقصد میں کامیابی ہوگی اور انشاء اللہ چہرے پر خون کی سرخی دوڑتی ہوئی دکھائی دے گی۔اور اللہ پاک کے حکم سے جسم میں خون کی فراوانی ہوجائے گی۔
نمبر ۶۔ زخم اور پھوڑوں کا علاج بذریعہ شہد۔
ایسے پھوڑے جو پھٹ جاتے ہوں اور پھر زخم بن جاتے ہوں انکے علاج کے لئے مندجہ ذیل اشیاء سے مرہم بنائیں ۔
روغن بادام تین چمچ، نیم کے پتے بیس گرام، تل کا تیل ایک کپ، موم دس گرام اور شہد دو چمچ۔
ترکیب۔
سب سے پہلے نیم کے پتے سل پر باریک پیس لیں اس کے بعد لوہے کے ایک برتن میں روغن بادام، اور تل کا تیل ڈال کر چالہے پر رکھیں ۔ اس میں نیم کے پسے ہوئے پتے اس قدر پکائیں کہ پتے بالکل جل جائیں ۔ پھر اس میں موم اور شہد ملائیں اور خوب اچھی طرح مکس کر کے چولہے سے اتار لیں ۔ ٹھنڈا ہونے پر برتن سے نکا ل لیں ۔ مرہم تیار ہے۔ہر روز پھوڑوں پر لگائیں ۔ انشاء اللہ چند روز میں پھوڑے ٹھیک ہو جائیں گے۔

نمبر ۷۔ چھائیوں کا علاج بذریعہ شہد۔
چھائیوں کے لئے بیسن کے چار چمچ، سنگترہ کا چھلکاتین گرام ، شہد چار چمچ ، خربوزہ کے بیچ دس عدداور انڈے کا چھلکا ایک عدد لے لیں۔
ترکیب۔
خربوزہ کے بیج کی گریاں نکال لیں۔ شہد کے علاوہ تمام اجزاء باریک پیس لیں پھر آپس میں ملا لیں ۔ پھر رات کو سونے سے قبل تھوڑے سے پانی میں شہد ملا کر سفوف ڈال کر لیپ سا تیار کر لیں۔ اور چہرے پر لگائیں۔صبح اٹھ کر تازہ پانی سے چہرہ دھولیں۔انشاء اللہ مثبت نتائج ملیں گے۔

نمبر۸۔ کوڑھ کا علاج بذریعہ شہد۔
کوڑھ کے لئے شہد اور عرق گلاب سہہ آتشہ ہم وزن لے کر اس میں مکس کر کے شیریں کریں پھر ایک سونے کا ورق حل کر کے مریض کو پلائیں ۔ یہ عمل کافی عرصہ جاری رکھیں۔ اس سے انشاء اللہ کوڑھ کا مرض ہمیشہ کے لئے ختم ہو جائے گا اور تمام زخم مندمل ہوجائیں گے۔
نسخہ نمبر ۲۔
شہد ، مغز تخم بیدا ، بخیر ہر ایک ڈیڑھ پاؤ، طبا شیر چار تولہ، ہڑتال اور ورقی پندرہ تولہ۔
ترکیب۔
ھڑتال اور طبا شیر کو باریک پیس لیں۔اور باقی ادویات کے ہمراہ مٹی کے برتن میں ڈال کر برتن کا منہ اچھی طرح بند کر کے اکیس روز تک گھوڑے کی لید میں دفن کر دیں اس کے بعد نکال کر دانہ بیدہ بخیر سالم نگل لیں۔ہر دن پہلے ایک دانہ ، دوسرے دن دو دانیاور تیسرے دن تین دانے۔ اسی طرح دانے بڑھاتے جائیں مگر یاد رہے پانچ دانوں سے زیادہ نہیں کھائیں۔انشاء اللہ عزوجل شفاء ہو جائے گی۔